இருள்

இருளிலிருந்து மீளும் அதிகாலைகள்

மீதமிருக்கும் இருளை

எங்கோ ஒலித்துவிடுகின்றன.

ஒருவேளை

சூரியனுக்கு பின்புறத்திலும்   இருக்கலாம் அது,

அல்லது

அடர் கானகத்தில் அடையாளம் தெரியாதபடி  

துண்டங்களாகக் கிழித்துப்போட்டிருக்கவும் கூடும்  ,

ஜன்னலுக்கு வெளியே

தும்பிகள், வண்ணத்துப் பூச்சிகளென

பலவும் அதனதன்  இரவுகளை தூக்கிச்செல்கின்றன

அந்திமத்திற்கு.

இப்போது போர்வைக்குள்  இருப்பது

நேற்று வீட்டிற்கு திரும்பும்போது ஒட்டிவந்தது.

ஆனால்

எனக்கு என் புது இரவு,

இன்றைக்கானது

வேண்டுமாய்த் தோன்றுகிறது.

ஆமாம்.

இதோ  வெளியேறுகிறேன் சேகரித்துவர.

-இயற்கைசிவம்.