குளிர்கிற தீ

இத்தனை ஆண்டுகளின் பின்

உன் நியாபகங்கள் வந்ததற்கு

எந்த முகாந்திரமும் இல்லை

வாசம் மிகுந்த சோப்பு

விலையுயர்ந்த ஷாம்பூ 

முகப்பூச்சு 

எத்தனை முறை 

என்ற பிரக்ஞையற்று 

கலைத்து வாரிய தலை

இஸ்த்ரி போட்ட சட்டை

வெளுத்திருக்காத பேண்ட் 

சைக்கிளுக்கு எண்ணெய் 

சொத்தையாய் ஒரு நண்பன்

என

நீ சாலையைக்  கடக்கும்வரை

குறுக்குச்சந்தில் 

காத்திருந்ததைப்போலவே

இருந்தது

இன்றும்.

-இயற்கைசிவம்